"Ni dieu ni maître" de Léo Ferré traduite en occitan par Joan-Pau Verdier

La cigareta sens carbata
Fumada a l'alba democrata
Lo peutiment deus cols de jata
E la paur que para la pauta
Lo ministèri d'aquel praire
E puèi la pietat fenetraira
E lo penlan canta dins l'aire

NI DIU NI MESTRE

Lo fardeu blave quòm empalha
Coma un matau vers las estelas
Que cason fredas sus la lausa
Quela ròsa despetalada
Quel avocat a la maleta
L'alba se bòta la veleta
Per'na legrema de poeta

NI DIU NI MESTRE

Queus bòscs siá disent de justicia
En s'embrondar dins los suplicis
Per amoblar lo Sacrifici
Emb la sapina de servici
Quela procedura que gaita
Los que la Societat rebuta
Pr'amor qu'an causit dins lor vita

NI DIU NI MESTRE

Quela paraula d'evangèli
Que fai plegar tots los embèfis
E bota dins l'oror civila
De la nobletat e del'stile
Quela credada sens roseta
Quela paraula de profeta
Lò la repete e vos sovete

NI DIU NI MESTRE
NI DIU NI MESTRE